Beilen – Een bezundere prissentatie oflopen dönderdag bij het Huus van de Taol in Beilen van het boekie Kedogies. Jessica Bonnema oet Assen hef heur eerste dichtbundel veur kinder schreven. In het boekie staot gedichten in het Drents en Nederlaands. De jonge vörmgeefster Nikki Roosma oet Möppelt hef der prachtige illustraties bijmaakt.
Kedogies
Dönderdag 7 meert kreeg oeze commissaris van de Keuning, Jetta Klijnsma, de allereerste Kedogies. In het boekie stiet ok een QR-code, die naor geluudsopnames van de gedichten leidt. Céleste, Joy, Mans en Thom hebt de teksten insproken en zij waren ok bij de boekprissentatie um de gedichten veur te dragen.
De prissentatie weur nog feestelijker deur zangeres Martijje. Zij zung een koppel liedties die mooi bij de dichtbundel past.
Informatie over het boekie bij het Huus van de Taol.
