Wel wordt de miest loze Drent van 2024? Dat wordt dit jaor weer dudelijk in de jubileumeditie van LOOS, dé kennisquiz over Drenthe waorin underwarpen as de Drentse streektaol, topografie, geschiedenis en actualiteit an bod komt. Hol ie van puzzels en spellegies? Meld je dan nou an en wel wet bi’j een jaor lang de miest loze Drent.
Loze Drent
LOOS bestiet oet meerdere rondes. In elke oflevering gaot dree dielnimmers de stried met mekaar an en oeteindelijk staot er drie kandidaten in de finale. De winnaar kreg niet allén de titel ‘Looste Drent’, maor wint ok een mooie pries.
De opnames bint op dinsdag 13, woensdag 14 en dunderdag 15 febrewaori. Je huuft niet op alle aovends anwezig te weden. Doej ok met? Geef je dan veur 2 febrewaori op via het anmeldingsformulier op rtvdrenthe.nl/loos.
LOOS is een samenwarking tussen RTV Drenthe en het Huus van de Taol. Vanof dunderdag 7 meert wordt de kennisquiz aal warkdaogen oetzunden op TV Drenthe. De prissentatie is in haanden van Aaldert Oosterhuis.
Huus van de Taol
Het Huus van de Taol is de streektaolorganisatie die het Drents anfietert met as doel um het een taol te laoten wezen waor de gebroekers wies met bint en die de niet-gebroekers waardeert.
RTV Drenthe is, as betrouwbare en onafhankelijke informatiebron, de spil in de Drentse samenleving.
